ابتصل فيك..لااامانيب متعني..اخاف لاقلت(الوو)تخنقني العبرة..

السلااااام عليكم ورحمة الله وبركــــــــــاته...

الله يسعد اوقاااتكم بالرضاء والمحبه...هذي قصيده من اختياري واتمنى تنال اعجابكــــم....






العبره اللي لهـا يوميـن تخنقنـي
خذيت منها على مر الزمـن عبـره

افرح ليا باان واحزن لاسـلا عنـي
إلين ماصرت في دور الهوى خبـره

تامرني انساك بنسى ويش يمنعنـي!
لكن ليااجيت في بالي وش الدبـره؟

خذيتنـي سالـي ودالـه ومتهنـي
ورميتني شاعر(ن) ساهر على حبره

الله حسيبك على الضيقـه معودنـي
ياكاسر الخاطر اللي شوفتك جبـره

تطلب وانفذ وابي قربـك وتجهلنـي
كني طلبتك تحفر البيـر بالأبـره!

تقول : ياامكرم القيفـاان تخدعنـي
واقول : بعدك كفنه وغيرتـه قبـره

طيفك على صدك وبعدك مصبرنـي
لو كاان طيفك يشيل القلب من صبره

امهلتني للزمـن والوقـت مهملنـي
يااحر كبدي على حااجاات منثبـره

واللي سرق بالي وحيره واشغلنـي
طاريك لامـر وش دخلـه بالنبـره

موج الغلا يم سيف الشوق يدفعنـي
ياقرد حظي معـى شفـي وياغبـره

اليا طلبته يقـول اسـف وفارقنـي
اللي معى ماايعـل النفـس يااكبـره

ولاانت ياح**ة الضامـي معذبنـي
متى نصادف طريق(ن) نلتقي عبره؟

ابتصل فيك لاا ! ماانيب متعنـي !
اخااف لاقلت ( ألوو ) تخنقني العبره





للشاعر....عبدالعزيز الحـــربي

يسلموا صمت تقبلى مرورى

مشكورين على مروركم ومنورين