رثاء الشهيد البطل ياسر عرفات رحمه الله

انطفت في سمانا شمس الحرية ..
وماتت جوانا الوطنية ..
بدم بارد نشوف ونسمع ..
وعيون ما تدمع ..
وقلوب جفت فيها الحنية ..
وخلايق ما تنفع ..
وناس مش أي ناس ..
تعيش بلا إحساس ..
وأدوار على كل مقاس ..
ويموت البطل .. لأنه صامد ..
كما الجبل ..
فين البطل .. جوانا مات ..
أو انقتل ..
كان زعيم ..
شايل هموم كل البشر ..
فين البطل .. جوانا مات ..
أو انقتل ..
سموه يا ناس وقالو قدر ..
رحلة سفر .. رغم التتار ..
وعيون من نار ..
بطلنا برضه انتصر ..
شهيد بإرادة من حديد ..
وقف قدام الغول ..
يصول ويجول ..
حتى في موته ..
برضه انتصر ..
شامخ كما الجبل ..
صلب عنيد ..
سموه يا ناس وقالوا قدر ..
سموه قتلوه .. والشهيد ما يموت ..
رغم أنف أحقر بشر ..
راحو اجتمعوا لأجل يعلنوا الحداد ..
شيلوا الجهاز ..
مساومات ..
شيلوا الجهاز بطلنا مات ..
يا ناس لسه فيه نفس ..
والأمر التبس ..
قاضي القضاة قال خلاص ..
بطلنا راح .. لازم يعود جوا الكفن ..
جوا الكفن بطلنا عاد بلا روح ..
والطير في سمانا ينوح ..
وكبد الأرض مجروح ..
وسحابة معدية ..
تسأل على القضية ..
يرد والحديد في ايديه ..
خلوني أشيلها شويه ...
وأبو بدلة بتلمع يصرخ أنا اللي أنفع ..
أنا اللي ساومت وأنا اللي بعت ..
والكل لازم يسمع ..
أنا الأمل ..
فين البطل جوانا ما يموت ..
في قلوبنا له ألف صوت ..
فين البطل سموه يا ناس ..
وقالوا قدر ..
رحلة سفر ..
رغم التتار وعيون من نار ..
بطلنا برضه انتصر

يسلموكتير اخي فارس

وبارك الله فيك على الرثاء الجميل هاد

تقبل مروري
قارس الرومانسية

مشكوررر فارس علي مرورك الطيب [img][/img]